İsraildə hava həyəcanı siqnalı çalınıb

İsrailin Qəzza zolağı ilə sərhədində yerləşən Nahal-Oz yaşayış məntəqəsində uzun fasilədən sonra hava həyəcanı siqnalı verilib.

İsrail Müdafiə Qüvvələrinin (IDF) məlumatına görə, sirenlər raket atəşi təhlükəsi ilə bağlı xəbərdarlıq edib. Hərbçilər hadisənin səbəbini araşdırıblar.

Daha sonra IDF həyəcan siqnalının yanlış müəyyənləşdirmə nəticəsində işə düşdüyünü və real təhlükənin olmadığını açıqlayıb.

Qeyd edək ki, sentyabrın 22-də İsrailin müdafiə naziri İsrael Katz Qəzza şəhərinin təxminən 1 milyon sakininin anklavın cənubuna köçürülə biləcəyi barədə xəbərdarlıq edib. O bildirib ki, HƏMAS tərəfindən bir İsrail hərbçisi və ya mülki şəxsin oğurlanması halında Qəzza şəhərindəki yaşayış və digər infrastruktura qarşı tədbirlər görüləcək.