Netanyahu “Flydubai” təyyarəsində hücum edəni zərərsizləşdirən sərnişinlə görüşüb

İsrailin Baş naziri Benyamin Netanyahu “Flydubai” təyyarəsində pilotlardan birinə bıçaqla hücum edən şəxsi zərərsizləşdirən israilli sərnişin Yaniv Xayon ilə görüşüb.Bu barədə “Ynet” nəşri xəbər verir.

Görüş Ben-Qurion hava limanında baş tutub.

Xayon görüşə hadisə zamanı üzərinə qan sıçrayan köynəklə gəlib. O, təyyarənin kabinəsinə daxil olaraq hücum edən şəxsi idarəetmə vasitələrindən uzaqlaşdırdığını və daha sonra təyyarənin idarə olunmasına kömək etdiyini bildirib.

“Mən hücum edəni tutdum, onu boğaraq kabinədən çıxardım. Köməyə digər sərnişinləri çağırdım, sonra geri qayıdaraq təyyarənin idarəetmə sükanını özümə doğru çəkdim. Təyyarə düzəlməyə başladı. Həmin vaxt sərnişinlər arasında olan digər pilot idarəetməni öz üzərinə götürdü”, – Xayon deyib.

Sentyabrın 30-da Dubaydan İsrailə uçan, 174 sərnişinin olduğu “Flydubai” təyyarəsində ikinci pilot birinci pilota bıçaqla hücum edib. Sərnişinlər və ekipaj üzvləri müdaxilə edərək hücum edəni zərərsizləşdirib. Təyyarə daha sonra Səudiyyə Ərəbistanının Tabuk şəhərində təcili eniş edib.

İsrail rəsmiləri hadisəni təyyarənin ələ keçirilməsi və qəzaya uğradılması cəhdi kimi araşdırır.