Aİ komissarı Marta Kos Ukraynanın 2027-ci ildə birliyə üzvlüyünü istisna edib

Ukraynanın 2027-ci ilin əvvəlində Avropa İttifaqına (Aİ) daxil olması qeyri-mümkündür, çünki üzvlük prosesi yalnız namizədin ləyaqət və fərdi nailiyyət prinsipinə əsaslanır. Bu barədə Aİ-nin genişlənmə üzrə komissarı Marta Kos "Corriere della Sera" qəzetinə müsahibəsində bildirib.

Ukrayna Prezidenti Volodimir Zelenskinin 1 yanvar 2027-ci il tarixini hədəf seçməsinə toxunan Kos həmin vaxt çərçivəsində üzvlüyün reallaşmasının istisna edildiyini deyib. Komissar qeyd edib ki, dəyişən geosiyasi reallıqlar fonunda bir çox ölkə üçün Aİ-yə qəbul strateji prioritetə çevrilib və bu məsələdə heç bir namizədə xüsusi imtiyaz verilməyəcək.

Bununla belə, Marta Kos Kiyevin içində olduğu çətin vəziyyətin nəzərə alınmalı olduğunu və Brüsselin Ukraynaya dəstək verməyə borclu olduğunu vurğulayaraq, cari ilin sonunadək üzvlüklə bağlı danışıqların mümkün qədər çox klasterinin açılacağına ümid etdiyini əlavə edib.