Tramp Nobel sülh mükafatını almadığına görə narazılığını bildirib

ABŞ Prezidenti Donald Tramp beynəlxalq münaqişələrin həlli istiqamətində əldə etdiyini iddia etdiyi nailiyyətləri sadalayaraq Nobel Sülh Mükafatına layiq görülməməsindən yenidən narazılığını ifadə edib.Tramp bu barədə “Truth Social” sosial şəbəkəsində yazıb.

O bildirib ki, səkkiz müharibənin həllinə nail olub, daha iki münaqişənin isə başa çatdırılmasına və ya nizamlanmasına yaxındır.

ABŞ Prezidenti, həmçinin İsraildəki bütün girovların, o cümlədən son 28 nəfərin geri qaytarılmasını, eləcə də dünyanın müxtəlif ölkələrində yüzlərlə girovun azad edilərək evlərinə dönməsini təmin etdiyini iddia edib.

Tramp Venesuelada qələbə qazandıqlarını, ölkəni idarə edən “qəddar diktatoru” saxladıqlarını və İranın nüvə silahı əldə etməsinə imkan vermədiklərini də bildirib.

“Bütün bunlara və daha çoxuna baxmayaraq, nə mən, nə də ABŞ Nobel Sülh Mükafatını almadı. Əla!” – Tramp yazıb.