Hörmüz boğazından keçməyə çalışan supertanker minaya düşüb

Hörmüz boğazında 2 milyon bareldən çox xam neft daşıyan supertanker dəniz minasına düşüb, nəticədə partlayış və güclü yanğın baş verib.Bu barədə İran İslam İnqilabı Keşikçiləri Korpusunun (SEPAH) Hərbi Dəniz Qüvvələri məlumat yayıb.

Məlumata görə, tanker naviqasiya və radar sistemlərini söndürərək Hörmüz boğazından icazəsiz marşrutla keçməyə cəhd edib. SEPAH iddia edib ki, gəminin heyəti bu məqsədlə ABŞ hərbçilərinin dəstəyindən yararlanmağa çalışıb.

Hadisə ilə bağlı açıqlamada tankerin adı, insidentin dəqiq vaxtı və yeri barədə məlumat verilməyib.