İstanbulda sel nəticəsində ölənlərin sayı 5-ə çatıb

Türkiyənin İstanbul şəhərində güclü yağışların səbəb olduğu sel nəticəsində ölənlərin sayı 5-ə çatıb.Bu barədə Türkiyə mediası məlumat yayıb.

Məlumata görə, daha bir neçə nəfər itkin düşmüş hesab olunur. Türkiyənin daxili işlər naziri Mustafa Çiftçi itkin düşənlərdən birinin sağ tapıldığını açıqlayıb.

Son günlər İstanbulda və Türkiyənin bir sıra digər bölgələrində yağan güclü yağışlar evlərə, yollara və nəqliyyat vasitələrinə ciddi ziyan vurub. Rəsmilər yağışların davam edəcəyi barədə xəbərdarlıq ediblər.

İstanbulda yağıntının intensivliyi 1942-ci ildən bəri qeydə alınan ən yüksək həddə çatıb. Güclü yağışlar səbəbindən İstanbul, Zonquldak, Yalova, Kocaeli, Düzce və Sakarya vilayətlərində təhsil müəssisələrində dərslər iki gün müddətinə dayandırılıb.