Moskva hava limanlarında 100-dən çox reys gecikib

Moskva aviasiya qovşağının hava limanlarında uçuş və eniş üzrə ümumilikdə 103 reys gecikib.Bu barədə Rusiyanın Nəqliyyat Nazirliyi məlumat yayıb.

Bildirilib ki, Bakı vaxtı ilə saat 16:30-a olan məlumata görə, gecikmələr 103 reysi əhatə edib.

Nazirlikdən qeyd olunub ki, bütün hava limanları müvafiq qurumlarla razılaşdırılmaqla təyyarələri qəbul etməyə və yola salmağa davam edir.

Qurum vurğulayıb ki, əsas prioritet uçuşların təhlükəsizliyinin təmin edilməsidir.