İran və Pakistan arasında sərhəd keçidləri müvəqqəti dayandırılıb

İran və Pakistan arasında quru yolu ilə səyahət texniki problemlər səbəbindən müvəqqəti olaraq dayandırılıb.Bu barədə İran Xarici İşlər Nazirliyinin sözçüsü İsmayıl Bəqayi IRNA agentliyinə bildirib.

Onun sözlərinə görə, iki ölkə arasındakı sərhəd-keçid məntəqələri texniki problemlər və əlavə ehtiyat tədbirlərinin görülməsi zərurəti ilə əlaqədar müvəqqəti bağlanıb.

Bəqayi qeyd edib ki, İran və Pakistanın müvafiq qurumları problemlərin aradan qaldırılması və sərhəd-keçid məntəqələrinin normal fəaliyyətinin bərpası üçün sıx əlaqə saxlayırlar.

Hazırda məsələnin mümkün qədər tez həlli məqsədilə məsləhətləşmələr aparılır.