İstanbulda güclü yağışların səbəb olduğu daşqın və torpaq sürüşmələri nəticəsində ölənlərin sayı altı nəfərə çatıb. Bu barədə İstanbul Valiliyinin məlumatında bildirilib.

Məlumata görə, oktyabrın 19-da şəhərin Avropa hissəsində, Ayvansaray körpüsünün yaxınlığında bir nəfərin meyiti tapılıb. Hadisə ilə əlaqədar itkin düşən daha bir şəxsin axtarışı davam etdirilir.

Oktyabrın 14-də İstanbulda yağan güclü yağışlar şəhərin bir neçə rayonunda daşqınlara və torpaq sürüşmələrinə səbəb olub. Təbii fəlakət nəticəsində yaşayış məntəqələrində və nəqliyyat infrastrukturunda problemlər yaranıb.