ABŞ Çinin beş şirkətinə qarşı sanksiyalar tətbiq edib

ABŞ Çinin beş şirkətini sanksiya siyahısına daxil edib.Bu barədə ABŞ Maliyyə Nazirliyinin Xarici Aktivlərə Nəzarət İdarəsi (OFAC) məlumat yayıb.

Bildirilib ki, şirkətlər 2022-ci ildə qəbul edilmiş ABŞ-nin intellektual mülkiyyətin qorunmasına dair qanunu çərçivəsində sanksiyalara məruz qalıb.

Siyahıya “MiraclePlus” adı ilə də tanınan “Qiji Chuangtan Beijing Investment Management” investisiya şirkəti, onunla əlaqəli üç struktur və “Shanghai Zhisuan Technology” daxil edilib. Sanksiyaların tətbiqinə səbəb olan konkret hallar açıqlanmayıb.

Qeyd edək ki, bundan əvvəl Ağ Evin saytında ABŞ Prezidenti Donald Trampın Qrem qanununda nəzərdə tutulan Rusiyaya qarşı sanksiyaları tətbiq etməkdən imtinasını əks etdirən fərman dərc olunub.

ABŞ-nin energetika naziri Kris Rayt isə Vaşinqtonun Rusiya neftinə qarşı sanksiyaları yumşaltmadığını bildirib. Onun sözlərinə görə, ABŞ Rusiya neftinə dair heç bir sanksiyanı yumşaltmayıb.