ABŞ Yaxın Şərqdəki səfirlik əməkdaşlarının bir hissəsini təxliyə etməyə hazırlaşır
21.10.2026 23:45
ABŞ Dövlət Departamenti Yəməndə husilərə qarşı mümkün hərbi əməliyyatlar fonunda Yaxın Şərqdəki səfirliklərinin bəzi əməkdaşlarını təxliyə etməyə hazırlaşır.Bu barədə “Reuters” Amerika administrasiyasının nümayəndələrinə istinadən məlumat yayıb.
Məlumata görə, Dövlət Departamenti ABŞ-nin Fars körfəzi ölkələrindəki səfirliklərinin bəzi əməkdaşlarının və onların ailə üzvlərinin ölkədən çıxması barədə göstəriş verməyi planlaşdırır.
Bu addımın Yəməndə İranın dəstəklədiyi husilərə qarşı hərbi əməliyyatların yenidən başlanması ehtimalı ilə əlaqədar olduğu bildirilir.
Oktyabrın 10-da ABŞ Prezidenti Donald Tramp Vaşinqtonun Səudiyyə Ərəbistanının husilərin mövqelərinə endirdiyi zərbələrə qoşulması ilə bağlı yaxın vaxtlarda qərar verəcəyini açıqlayıb.
Foto 
Video 
