Hörmüz boğazında iri neft tankeri hücuma məruz qalıb

Hörmüz boğazından çıxışda xam neft daşıyan çox böyük gəmi (VLCC) hücuma məruz qalıb və gəmidə partlayış baş verib. Bu barədə İranın "Fars" xəbər agentliyi məlumat yayıb.

​Agentliyin bildirdiyinə görə, "Sentinel-2" peyk görüntülərində gəminin idarəetmə strukturunun arxasında tünd rəng dəyişikliyi müşahid olunub.

​İran tərəfi gəminin minaya düşdüyünü iddia edir, Böyük Britaniyanın Dəniz Ticarət Əməliyyatları İdarəsi (UKMTO) isə əvvəlki bənzər insidentlərdə gəmilərin naməlum mərmi ilə vurulduğunu bildirib. Lakin UKMTO hələlik son hadisə ilə bağlı rəsmi bəyanat yaymayıb.