İran ABŞ hərbi gəmilərinin Fars körfəzinə daxil olmasına imkan verməyəcəyini bildirib

İran ABŞ Hərbi Dəniz Qüvvələrinin gəmilərinin Fars körfəzinə daxil olmasına və orada əməliyyatlar aparmasına icazə verməyəcək.Bunu İran Silahlı Qüvvələrinin Baş Qərargah rəisi, general-mayor Əli Əbdüllahi bildirib.

Onun sözlərinə görə, ABŞ donanmasının Fars körfəzində istənilən əməliyyat cəhdinin qarşısı alınacaq. O, həmçinin ABŞ-nin İrana qarşı mümkün yeni hücumunun qətiyyətli hərbi cavabla qarşılanacağını vurğulayıb.

Əbdüllahi qeyd edib ki, ABŞ və İsraillə son hərbi toqquşmalar İran ordusunun mümkün hücumlara hazırlığını artırıb. O, Tehranın müqavimət əzminin sarsılmaz olduğunu və ölkədə istehsal edilən yeni hərbi texnikanın əvvəlki modellərdən üstün olduğunu iddia edib.