Ərdoğanın baş müşaviri vəzifəsindən ayrıldığını təsdiqləyib - yenilənib

Türkiyə Prezidentinin baş müşaviri Oktay Saral vəzifəsindən ayrılması ilə bağlı məlumatı təsdiqləyib.

Türkiyəli jurnalist Talat Atilla bu barədə “X” hesabında paylaşım edib.

Jurnalist bildirib ki, Saralla telefon danışığı zamanı onun vəzifəsindən ayrılması barədə yayılan xəbərləri dəqiqləşdirib.

Saral qərarın Prezident Rəcəb Tayyib Ərdoğanın göstərişi ilə verildiyini deyib.

“Biz vəzifələrimizdə daimi deyilik. Cənab Prezident bizi bu vəzifəyə gətirmişdi, onun göstərişi ilə ayrıldım. Heç kimdən incikliyim yoxdur”, – deyə o bildirib.

***

Türkiyə Prezidentinin baş müşaviri Oktay Saralın sabah istefa verməsi gözlənilir.Bu barədə Türkiyənin “Günebakış” nəşri məlumat yayıb.

Mənbənin məlumatına görə, Saralın bazar ertəsi günü istefasını açıqlayacağı gözlənilir.