Fars körfəzində BƏƏ-yə məxsus gəmiyə hücum edilib

Birləşmiş Ərəb Əmirliklərinin (BƏƏ) "ADNOC Logistics & Services" şirkətinə məxsus gəmi Fars körfəzində ölkənin ərazi sularında hücuma məruz qalaraq zədələnib.

Bu barədə şirkətin yaydığı bəyanatda bildirilib.

Məlumata görə, insident noyabrın 10-da günün ikinci yarısında baş verib.

Hazırda aidiyyəti xidmətlər hadisənin nəticələrinin aradan qaldırılması istiqamətində iş aparır.

Qeyd edək ki, "ADNOC Logistics & Services" Əbu-Dabi Milli Neft Şirkətinin (ADNOC) strukturuna daxildir və enerji sektorunda dəniz daşımaları və logistika xidmətləri göstərir.