Elektrik enerjisi almaq üçün eşşəklərdən istifadə edirlər

Modern.az-ın xarici KİV-ə istinadən verdiyi xəbərə görə, Cənub Afrikada yoxsul bir qəsəbə olan Magadinin ən böyük problemi qəsəbədə elektrikin olmamasıdır. Kəndlilər, ümumiyyətlə, vəhşi heyvanlardan qorunmaq və gecə uşaqlarının dərsə hazırlaşmasını təmin etmək üçün, meşədən kəsdikləri odunları yandıraraq bu problemi həll etməyə çalışırdılar.   

Telefonlarını şarj edə bilmək üçün daha 10 kilometr getmək məcburiyyətində qalan kəndlilər, həftədə bir gün açıq olan enerji stansiyasına məhkum idilər. Green Enerji Afrikanın bu ucqar bölgəsindəki qadınları artıq meşədən odun yığmaq məcburiyyətində qalmaqdan xilas edib.   

Belə ki, eşşəklərin üzərinə qoyulan solar panelləri ilə təxminən 200 qadın 2000 evlik qəsəbənin elektrik ehtiyacını təmin edir. Afrikada ən yaxşı yenilənə bilən enerji növü olan günəş enerjisindən istifadə hesabına yağışlı günlərdə belə, elektrik təmin edə bilmək mümkündür.