Baş leytenant Rəşid Mehdiyev Rövşən oğlu 1990-cı ilin 26 iyulda Salyan rayonunun Xələc kəndində anadan olub. Ailənin yeganə oğul övladı idi. Salyan rayonu Yuxarı Xalac kənd 2 saylı orta məktəbində təhsil alıb. Çox hazırlıqlı məktəbli idi. Orta təhsilini başa çatdırdıqdan sonra istənilən ali məktəbə daxil ola bilərdi. Lakin Rəşid ali hərbi təhsil almağı, zabit kimi Vətənə xidmət etməyi, erməni tapdağı altında qalan torpaqlarımızın azad olunmasında yaxından iştirak etməyi qərara aldı. Bu istəyi reallaşdırmaq üçün 2008-ci ildə Heydər Əliyev adına Bakı Ali Hərbi Akademiyaya qəbul oldu. 2011-ci ildə təhsilini başa vurub leytenant kimi Vətənə xidmət etməyə başladı.

 

Üzərinə düşən bütün vəzifələri şərəflə, ləyaqətlə yerinə yetirərək tez bir zamanda baş leytenant rütbəsi aldı. Gəncə N saylı hərbi hissədə tağım komandiri olub. 2016-ci il aprel savaşı zamanı Rəşid ərizə yazaraq könüllü olaraq doyüşlərə qoşulur . Özü topçu olaraq ordumuzun aprelin 2-də işğaldan azad etdiyi Talış kəndi ətrafındakı yüksəkliklər yaxınlığında ermənilərin bir neçə texnikasını siradan çıxartmışdı. Bu yüksəkliklərin düşməndən azad edilməsində qəhrəmanlıq göstərərək şəhid olur. Aprelin 5-i isə Rəşid Mehdiyev doğulduğu Salyan rayonunun Xələc kəndində son mənzilə yola salındı. Subay idi .

 

 

Rəşid Mehdiyev ölümündən sonra göstərdiyi qəhrəmanlığa görə Azərbaycan Respublikasının Prezidenti İlham Əliyevin sərəncamı ilə "İgidliyə görə" medalı ilə təltif edildi. Allah rəhmət etsin. Məkanın cənnət olsun , şəhidim ! Şəhidin ad gününə 2017-il fevral şəhidi Zakir Cəfərovun anası Kəmalə xanım və aprel şəhidi Müşfiq Orucovun atasi Arif müəllim iştirak etmişlər.