Qazaxıstan prezidenti Nursultan Nazarbayev şair, yazıçı və ictimai xadim Oljas Süleymanova sülh və tərəqqi mükafatı verib.ANS PRESS-in Orta Asiyanın “CA-NEWS” agentliyinə istinadən verdiyi məlumata görə, Oljas Süleymanov bu mükafatı xalqlar arasında dostluq və birliyin qorunmasında gördüyü işə və nüvə silahının əleyhinə apardığı təbliğata görə alıb. Xatırladaq ki, Oljas Süleymanovun təşəbbüsü ilə 1989-cu ildə Semipalatinsk nüvə poliqonunun və ümumilikdə dünyada fəaliyyət göstərən bütün poliqonların bağlanması məqsədilə “Nevada-Semipalatinsk” xalq hərəkatı yaranıb. Qeyd edək ki, bu hərəkatın əsasında sonradan ölkədə “Qazaxıstan xalqının tərəqqisi” adlı partiyası da yaradılıb.ANN.Az