Yeni Xarici işlər naziri Ceyhun Bayramovun TƏRCÜMEYİ-HALI

15:44 | 16.07.2020
Ceyhun Bayramov Təhsil naziri vəzifəsindən azad olunaraq Xarici işlər naziri təyin edilib.

Anews.az yeni Xarici işlər nazirinin dosyesini təqdim edir:

Ceyhun Əziz oğlu Bayramov 1973-cü ildə Bakı şəhərində anadan olub. Azərbaycan Dövlət İqtisad İnstitutunu iqtisadçı ixtisası üzrə, Azərbaycan Universitetini isə hüquqşünaslıq ixtisası üzrə bitirib.

1996-2000-ci illərdə Vergilər Nazirliyində müxtəlif vəzifələrdə çalışıb, 2000-2002-ci illərdə "Salans Hertzfeld & Heilbronn (Baku) Limited” şirkətində hüquqşünas, 2002-2013-cü illərdə isə "OMNİ” hüquq şirkətinin direktoru olub.

2004-2012-ci illərdə dünyanın aparıcı hüquq nəşrlərindən olan "Chambers Global”, "IFLR1000” və "Legal500” tərəfindən hər il Azərbaycanda vergiqoyma və mülki hüquq sahəsində aparıcı hüquqşünaslar siyahısına daxil edilib. 2013-cü il mayın 30-dan avqustun 12-dək Azərbaycan Respublikası Təhsil Nazirliyi aparatının rəhbəri vəzifəsində çalışıb.

Azərbaycan Respublikası Prezidentinin 12 avqust 2013-cü il tarixli sərəncamı ilə Azərbaycan Respublikası Təhsil nazirinin müavini təyin olunub.
Evlidir, 2 övladı var.

Onu da qeyd edək ki, Ceyhun Bayramov həm də maliyyə nazirinin müavini Azər Bayramovun qardaşıdır.
Azər Bayramov Ceyhun Bayramovdan 3 yaş böyükdür.

www.anews.az

Tərəfdaşların xəbərləri

REKLAM