• $ 1.7
  • € 1.8382
  • ₽ 1.9101
  • ₺ 0.0466
  • £ 2.1905

Zaqatalada 3 nəfərin öldürülməsi ilə əlaqədar 8 nəfər tutuldu

Zaqatalada 3 nəfərin öldürülməsi ilə əlaqədar 8 nəfər tutuldu
27.11.2013 20:46
Azərbaycan Baş Prokurorluğu və Daxili İşlər Nazirliyinin mətbuat xidmətləri Zaqatala rayonunda baş vermiş və 3 nəfərin ölümü ilə nəticələnən silahlı insident barədə yeni açıqlama yayıb. DİN mətbuat xidmmətindən APA-ya verilən məlumata görə, açıqlamada bildirilir ki, cari il noyabrın 24-də Zaqatala rayonunda ağır cinayət hadisəsi törədilib. Rayonun Yuxarı Tala kəndi ərazisində “VAZ-2107” markalı avtomobildən “Hyundai Elantra” markalı avtobilin odlu silahla atəşə tutulması nəticəsində sərnişinlər - Balakən rayon sakini Kamil Hüşənov, Bakı şəhər sakinləri Vasif Cəfərov və Vüqar Rəcəbov qətlə yetirilib, sürücü, Balakən rayon sakini Vüsal Əliqayev isə xəsarət alıb. Cinayətin xüsusilə ağır olduğunu və geniş ictimai rezonans doğurduğunu nəzərə alan DİN-in və Baş Prokurorluğun rəhbərliyinin göstərişi ilə peşəkar əməkdaşlardan ibarət əməliyyat-istintaq qrupu yaradılaraq dərhal rayona ezam olunub, hadisə yerinə baxış və digər zəruri prosessual, əməliyyat-axtarış tədbirləri görülüb. "İsti izlər"lə bu ağır cinayətin əvvəllər məhkum olunmuş Samir Osmanov və digərləri tərəfindən törədilməsi müəyyən edilib. Təxirəsalınmaz tədbirlərlə cinayətin iştirakçıları - Samir Osmanov, "VAZ-2107" markalı avtomobilin sürücüsü Bəhruz Layıcov, onun qardaşları Vüqar və Eldəniz, Vüsal Əliqayev, Pərviz Qarayev, Aydın Sayılov və Ömər Orucov saxlanılıblar. Əməliyyat-istintaq yolu ilə iş üçün mühüm əhəmiyyət kəsb edən maddi sübutlar, o cümlədən cinayətin aləti olan 1 avtomat silah, 1 patron darağı, 9 avtomat patronu və 1 mətbəx bıçağı götürülüb. Bu istiqamətdə aparılmış tədbirlərin davamı olaraq Bəhruz və onun qardaşı, hazırda həbsdə olan Harun Layıcova məxsus evlərə baxış zamanı isə Almaniya istehsalı olan 1 ədəd avtomat silah, 5 əl qumbarası, 4 ədəd radiostansiya, 1 fişəngatan tapança, 18 ədəd fişəng, 823 ədəd müxtəlif çaplı patron, 1 səs qumbarası, uzaqdan idarə edilən partlayıcı qurğunun detektoru,  maska, qandal, xeyli sayda digər hərbi sursat, həmçinin 8 kiloqrama yaxın narkotik vasitə aşkar edilib. Fakt üzrə Cinayət Məcəlləsinin 120.2.7 və 228.1-ci maddələri ilə cinayət işi başlanmışdır. Baş vermiş ağır cinayət hadisəsi üzrə bütün halların tam, hərtərəfli və obyektiv araşdırılması istiqamətində istintaq hərəkətləri və əməliyyat-axtarış tədbirləri davam etdirilir.ANN.Az
Oxşar xəbərlər
Oxşar xəbərlər
Bakıda yolda kütləvi davaya görə 4 nəfər saxlanılıb, polis araşdırma aparır
Cəmiyyət 11:01
Bakıda yolda kütləvi davaya görə 4 nəfər saxlanılıb, polis araşdırma aparır

FHN yel çərşənbəsi ilə əlaqədar əhaliyə müraciət edib
Cəmiyyət 09:33
FHN yel çərşənbəsi ilə əlaqədar əhaliyə müraciət edib

Azərbaycanda dumanlı hava şəraiti martın 14-dək davam edəcək
Cəmiyyət 09:17
Azərbaycanda dumanlı hava şəraiti martın 14-dək davam edəcək
Neftçalada bir ailənin dörd üzvü dəm qazından zəhərlənib
Cəmiyyət 23:13
Neftçalada bir ailənin dörd üzvü dəm qazından zəhərlənib
Ramazanın 11-ci gününün duası,imsak və iftar vaxtı
Cəmiyyət 21:30
Ramazanın 11-ci gününün duası,imsak və iftar vaxtı
Qukasyandan Qarabağda erməni dili ilə bağlı etiraf
Cəmiyyət 21:23
Qukasyandan Qarabağda erməni dili ilə bağlı etiraf
Sabah bu ərazidə qaz olmayacaq
Cəmiyyət 20:17
Sabah bu ərazidə qaz olmayacaq
Zığ dairəsi-Hava Limanı yolunda sürət həddi endirilib
Cəmiyyət 19:00
Zığ dairəsi-Hava Limanı yolunda sürət həddi endirilib
Tofiq Yaqubluya hökm oxunub
Cəmiyyət 18:20
Tofiq Yaqubluya hökm oxunub
Anews TV

Rəsmi Youtube kanalımız

Abunə ol