İsveçrə və ATƏT Nümayəndə Heyəti Bakıda Minatəmizləmə Məsələlərini Müzakirə Edib

İsveçrənin xarici işlər naziri və ATƏT-in fəaliyyətdə olan sədri İnyasio Kassis, İsveçrə XİN və ATƏT nümayəndə heyətinin üzvləri ilə Azərbaycan tərəfi arasında keçirilən görüşdə işğaldan azad edilmiş ərazilərin minadan təmizlənməsi məsələsi diqqət mərkəzində olub.

Müzakirələr zamanı İsveçrə nümayəndə heyəti Bernin həm ATƏT adından, həm də ikitərəfli müstəvidə humanitar minatəmizləmə sahəsində həyata keçirdiyi layihələr barədə məlumat verib. İsveçrə tərəfi Ukraynada minatəmizləmə fəaliyyətlərinə 100 milyon İsveç frankı (təxminən 120 milyon ABŞ dolları) həcmində vəsait ayırmaqla bu sahədə 3-cü ən böyük donor ölkəyə çevrildiyini diqqətə çatdırıb.

İsveçrə nümayəndələri 30–50 il ərzində münaqişələrdən əziyyət çəkən müxtəlif dövlətlərdə qazanılmış qlobal təcrübəni qeyd edərək, mina təhlükəsinin uzunillik xarakter daşıdığını və torpaqların kənd təsərrüfatı, məskunlaşma və mülki şəxslərin təhlükəsizliyi üçün tam yararlı hala gətirilməsinin uzun illər tələb etdiyini vurğulayıblar.

ATƏT və Azərbaycan arasında minatəmizləmə sahəsində konkret layihələrin və texniki təfərrüatların tezliklə hər iki tərəfin mütəxəssisləri tərəfindən müəyyənləşdiriləcəyi bildirilib.