Bundan sonra narkomanlar bu yolla tanınacaq

 

Ren. Tv. məlumat verir ki, yeni üsulla narkotik maddəni və onunla bağlı olan digər elementləri aşkar etmək mümkündür. Xəstənin əllərini yuması yaxud əlcəkdən istifadə etməsi diaqnozun qarşısını  ala bilmir.

 

Eksperiment üçün son 24 saat ərzində kokain və ya heroindən istifadə edən şəxslərin barmaqlarının izləri qeydə alınıb. Sonra iştirakçılar əllərini sabunla yuyublar və onlara nitril əlcəklər verilərək sınaq təkrar edilib. İki dəfə fiksasiya olunmuş izlər müqayisə edilib. Məlum olub ki, əllərin sabunla yuyulması və əlcəkdən istifadə narkotik maddənin qalıqlarını aşkar etməyə mane olmayıb.

 

Eksperiment eyni ardıcıllıqla narkotik vasitədən istifadə etməyənlərlə də aparılıb.    

 

Analizin vasitəsi ilə xəstələrin fərli qrupları üçün narkotik vasitələrin molekulyar tərkibini müəyyənləşdirmək mümkün olub.

 

Tədqiqatda narkotika istifadəçiləri ilə əllə görüşən digər şəxslərin barmaq izlərindən də narkotik vasitələrin qalıqları aşkar edilib.

 

Alimlər ehtimal edirlər ki, yeni üsul narkotika alüdəçilərini aşkar etməyə və onlara kömək etməyə müsbət təsir göstərəcək.

 

Tərcümə: Cavid Zahidoğlu