2022- ci ildə Azərbaycanda 36 494 cinayət qeydə alınıb, bunu daxili işlər naziri general-polkovnik Vilayət Eyvazov kollegiya iclasında deyib.
Ötən il şəxsiyyət əleyhinə olan cinayətlər 2,4, o cümlədən qəsdən adam öldürməyə cəhdlər 13, qəsdən sağlamlığa ağır zərər vurmalar 5, odlu silahın tətbiqi ilə baş verən cinayətlər 17,6, ailə münaqişəsi zəminində törədilənlər 2,4, mal-qara oğurluğu 21,3 faiz azalıb.
Bildirilib ki, cinayətlərin 83,4 faizini böyük ictimai təhlükə törətməyən və az ağır növlər təşkil edib.
Məlumata görə, keçmiş illərdən bağlı qalmış 368 cinayət üzrə təqsirli şəxslər müəyyən edilərək məsuliyyətə cəlb olunub.
Həyata keçirilən əməliyyat tədbirləri ilə 251 kriminal qrup zərərsizləşdirilib, odlu silah saxlayan və daşıyan 202 şəxs cinayət məsuliyyətinə cəlb olunub, axtarışda olan 557 təqsirləndirilən şəxsin tutulması təmin edilib.
2021-ci ildə əməliyyat-axtarış və istintaq fəaliyyətinin subyekti olan dövlət qurumlarında 31 min 131 cinayət qeydə alınıb. Bu, bir öncəki 2020-ci ildə qeydə alınan göstəricidən (26 min) 5 min və ya 20 faizə yaxın daha yüksək rəqəmdir. Pandemiyadan öncəki 2019-cu ildə isə ölkədə toplam 26 min 672 cinayət qeydə alınıb.
Aytac
www.anews.az
Bizi sosial şəbəkələrdə izləyin !