Ucqar kəndlərə qaz çəkmək o qədər də səmərəli hesab olunmadığı üçün alternativ enerji mənbələrindən istifadə etmək daha yaxşı olar. Bunu iqtisadiyyat nazirinin müavini Sahib Ələkbərov deyib.
"Azərbaycan qazlaşma ilə bağlı dünyada ilklikdə duran ölkələrdəndir. Bəlkə də birincisidir. Qazlaşma prosesesi dövlət büdcəsi və Azəriqaz hesabına icra olunur. Dövlət daha çox bu prosesin Azəriqaz hesabına olmasını tövsüyə edir. Daha çox insan yaşayan yerlərdə qazlaşma ilə bağlı problem yoxdur. Məsələ kiçik kəndlərə bağlıdır. Müəyyən problemlər var. Nəzərə almaq lazımdır ki, yeni enerji mənbələri ortaya çıxır. 7-8 ailənin yaşadığı bir kənddə qaz çəkilməsi nə qədər səmərəlidir? Sadəcə buna vərdiş etməmişik. Digər alternativ enerjidən istifadə etmək olar", - nazir müavini noyabrın 29-da Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında "Azərbaycan Respublikasının 2025-ci il dövlət büdcəsi haqqında” qanun layihəsinin ikinci oxunuşda müzakirəsi zamanı iqtisadiyyat nazirinin müavini Sahib Ələkbərov deyib.
Milli Məclisdə "Azərbaycan Respublikasının 2025-ci il dövlət büdcəsi haqqında” qanun layihəsinin birinci oxunuşunda bir çox deputatlar regionlarda kəndlərin qazlaşdıırlmasının vacib olduğunu açıqlayıb.
Gülnar Nazimqızı
www.anews.az
Bizi sosial şəbəkələrdə izləyin !
