Salyanda avtoxuliqanlıq edən sürücü 15 sutka həbs edilib

Salyanda yol hərəkəti qaydalarını kobud şəkildə pozaraq digər sürücülərə təhlükə yaradan “Azsamand” markalı avtomobilin sürücüsü Hüseyn Bağırov saxlanılıb. Bu barədə APAnın yerli bürosu məlumat yayıb.

Məlumata görə, Salyan Rayon Polis Şöbəsinin Dövlət Yol Polisi Bölməsinin əməkdaşları tərəfindən keçirilən tədbirlər nəticəsində sürücü barəsində inzibati materiallar toplanaraq məhkəməyə göndərilib.

Məhkəmənin qərarı ilə H.Bağırovun sürücülük hüququ bir il müddətinə məhdudlaşdırılıb və o, 15 sutka inzibati qaydada həbs edilib.