AÇG-də bu il 18 yeni quyu qazılacaq

10:24 | 09.02.2024
AÇG-də bu il 18 yeni quyu qazılacaq

AÇG-də bu il 18 yeni quyu qazılacaq

2024-cü ildə Azəri-Çiraq-Günəşli neft-qaz yataqları blokunda (AÇG) 18 quyunun qazılması planlaşdırılır. Bunu Bakıda keçirilən Caspian Drilling konfransında BP şirkətinin Azərbaycan, Gürcüstan və Türkiyə regionunda quyular üzrə vitse-prezidenti Kim O'Leary bildirib.

Onun sözlərinə görə, bu il AÇG-də qazılacaq quyuların 12-i hasilat quyularının payına düşəcək.

BP nümayəndəsi onu da əlavə edib ki, ötən il AÇG-də 17 quyu qazılıb, bunun da 9-u hasilat quyusu olub. Digər qazılan quyular injektor və axtarış quyuları olub.
 
Energetika Nazirliyinin proqnozlarına görə, 2024-cü ildə neft hasilatı 29,5 milyon ton olacaq.  

2023-cü ildə neft hasilatı 30,2 milyon ton, 2022-ci ildə  isə 32,7 milyon ton olub.
 
2024-cü ildə qaz hasilatı  ötən ilki 48,5 milyard kubmetrdən 48,9 milyard kubmetrə qədər artacaq.
     
2022-ci ildə Azərbaycanda 46,7 milyard kubmetr təbii qaz hasil edilib.
     
Ölkənin neft və qaz hasilatının böyük hissəsi "Azəri-Çıraq-Günəşli” neft blokundan və  "Şahdəniz” yatağından hasil edilir. Bu yataqlar BP-nin operatorluğu altında çalışan xarici neft şirkətləri konsorsiumu tərəfindən  istismar edilir. 

AÇG-nin 2050-ci ilə qədər inkişafını əhatə edən yeni müqavilə əsrin ortalarınadək blokun inkişaf potensialını əhəmiyyətli dərəcədə artırmağa imkan yaradacaq.
 
Aytac

www.anews.az
0
Bizi sosial şəbəkələrdə izləyin !

REKLAM

Xəbər lenti

“Bir Pəncərə İxraca Dəstək Mərkəzi” xətti ilə ixrac azalıb