Aİ Azərbaycanla enerji sektorunda əməkdaşlığı genişləndirəcək

21:50 | 01.03.2024
Aİ Azərbaycanla enerji sektorunda əməkdaşlığı genişləndirəcək

Aİ Azərbaycanla enerji sektorunda əməkdaşlığı genişləndirəcək

Aİ enerji sektorunda Azərbaycanla əməkdaşlığı genişləndirməyi səbirsizliklə gözləyir. Bunu Avropa komissarı Kadri Simson deyib.

"Azərbaycan Aİ-nin etibarlı tərəfdaşı olduğunu və Avropanın enerji təhlükəsizliyinin təmin edilməsində mühüm rol oynadığını artıq sübut edib. Bununla belə, bizim daha çox dialoqa və daha çox əməkdaşlığa ehtiyacımız var. Bugünkü görüş çərçivəsində biz bir sıra razılaşmalar əldə etdik. Bunlara daxildir: 2027-ci ilədək Azərbaycandan Avropaya qaz ixracının həcminin 20 milyard kubmetrə çatdırılması, eləcə də mövcud qaz nəqli infrastrukturunun imkanlarının artırılması zərurəti”, - Simson cümə günü Bakıda keçirilən mətbuat konfransında bildirib.

O, əlavə edib ki, Rusiya Avropaya qaz tədarükündə özünü etibarsız tərəfdaş kimi göstərib. "Biz hazırda üç istiqamətdə işləyirik: Azərbaycan, Norveç və digər ölkələr vasitəsilə şaxələndirilmiş qaz təchizatı marşrutlarımız var. Bundan əlavə, biz əlavə qaz həcmləri cəlb edə bildik və eyni zamanda istehlakda böyük qənaətə nail olduq”, - Avropa komissarı bildirib.

Simson vurğulayıb ki, görüşdə elektrik enerjisi bazarında Azərbaycanla əməkdaşlığın genişləndirilməsi barədə də razılıq əldə olunub. "Bununla bağlı Azərbaycanda bərpa olunan enerji mənbələrinin inkişafına dair 3 sənəd imzalanıb”, - Avropa komissarı qeyd edib.

Azərbaycan 2023-cü ildə Avropaya 11,8 milyard kubmetr qaz tədarük edib.
 
Aytac Zeynalova

www.anews.az
0
Bizi sosial şəbəkələrdə izləyin !

REKLAM

Xəbər lenti

“Bir Pəncərə İxraca Dəstək Mərkəzi” xətti ilə ixrac azalıb