"Sanksiyalar müzakirəsi əvvəlkilərdən daha mürəkkəbləşir. Prezident Zelenski ilə yaxşı müzakirələrimiz var, mən həmkarlarıma Ukraynanın təklifləri barədə məlumat verəcəyəm və məsləhətləşmələr aparacağıq. Əminəm ki, biz Kremlə təzyiqləri artıra biləcəyik”, - Çarlz Mişel Kiyevə səfəri zamanı bildirib.
Bloomberg agentliyi yazır ki, Mişel Aİ-Ukrayna sammitinə hazırlıq işlərinə kömək etmək üçün Kiyevə elan olunmamış səfər edib. Sammit fevralın 3-nə planlaşdırılıb.
"Əminəm ki, bu, bizim bir yerdə olduğumuza bir fürsət və güclü siqnal olacaq. Növbəti addımların nədən ibarət olacağına və ümumi məqsədlərin nə olacağına da qərar verəcəyik”, - deyən Avropa Şurasının rəhbəri əlavə edib ki, ümumilikdə sanksiyalar sərtləşdirilməli, "Rusiya ilə qarşıdurmaya daha çox ölkə cəlb olunmalıdır”.
Çarlz Mişelin fikrincə, Aİ ölkələri Ukraynaya daha çox tank verməlidir. Eyni zamanda o, bu qərarın Almaniya üçün niyə çətin olduğunu anladığını vurğulayıb. Bir neçə gün əvvəl Böyük Britaniyanın Ukraynanı "Challenger-2” tankları ilə təmin etmək qərarına reaksiya verən Rusiya prezidentinin sözçüsü Dmitri Peskov qeyd edib ki, bu tanklar da başqaları kimi yanır və başqaları kimi yanacaq.
Gülnar
www.anews.az
Bizi sosial şəbəkələrdə izləyin !
