"Mən bu barədə (istintaq təcridxanasının) rəhbərliyi ilə danışmışam. Mənə dedilər ki, Anar Məmmədli ortopedik döşəklə təmin olunacaq”, - vəkil bildirib.
Məmmədlinin işi ilə bağlı istintaqın gedişinə gəlincə isə Süleymanovı qeyd edib ki, "istintaq hərəkətləri ləng olsa da davam etdirilir”.
Məmmədlinin ailə üzvləri onun onurğa yırtığından əziyyət çəkdiyini və ortopedik döşəyə ehtiyaclı olduğunu bildirib . Lakin istintaq təcridxanasının rəhbərliyi ona bu döşəyi verməyə icazə verməyib.
Anar Məmmədli aprelin 30-da bir qrup şəxs tərəfindən qabaqcadan əlbir olaraq qaçaqmalçılıqda (Azərbaycan Respublikası Cinayət Məcəlləsinin 206.3.2-ci maddəsi) ittiham olunaraq həbs edilib. Əvvəlcə ona "Abzas Media işi” ilə əlaqəli ittiham təqdim edilib. Daha sonra onun işi ayrıca icraata ayrılıb.
Çoxsaylı beynəlxalq təşkilatlar və ABŞ Dövlət Departamenti Azərbaycan hökumətini Anar Məmmədlini və həbsdə olan digər jurnalist və fəalları dərhal azad etməyə çağırıb.
Son bir neçə aydaCinayət Məcəlləsinin qaçaqmalçılığı nəzərdə tutan maddəsi ilə 17 ictimai fəal və jurnalistə qarşı cinayət işi başlanıb, onlardan 15-i hazırda həbsdədir.
N.Təbrizli
www.anews.az
Bizi sosial şəbəkələrdə izləyin !
