Ayxan Hacızadə Meşəli qətliamının iştirakçısının saxlanılması ilə bağlı Ermənistan XİN-ə cavab verib

Siyasət

20:03 | 29.07.2023

Ayxan Hacızadə Meşəli qətliamının iştirakçısının saxlanılması ilə bağlı Ermənistan XİN-ə cavab verib

Ermənisan Xarici İşlər Nazirliyi yenə də dezinformasiya yayır.

Bu barədə Azərbaycan XİN mətbuat xidmətinin rəhbəri Ayxan Hacızadə "Twitter"də yazıb.

Ermənistan XİN sözçüsü Ani Badalyanın yalan informasiyalar səsləndirməsinə cavab olaraq, Hacızadə qeyd edib ki, haqqında sözügedən 68 yaşlı Vaqif Xaçaturyan Xocalıdakı Meşəli qətliamında iştirak etdiyi üçün beynəlxalq axtarışa verilib.

Hacızadənin sözlərinə görə, istintaq müəyyən edib ki, Xaçaturyan 1991-ci ildə Meşəli kəndinə basqın edərək 25 azərbaycanlını qətlə yetirmiş, 14 nəfəri yaralamış, 358 azərbaycanlını öz yurd-yuvasından didərgin salmış erməni silahlı cinayətkarları sırasında yer alır.

Vaqif Xaçaturyan bu gün Beynəlxalq Qırmızı Xaç Komitəsinin vasitəçiliyi ilə müalicə almaq adı altında Ermənistan Respublikasına getmək istəyərkən Dövlət Sərhəd Xidmətinin hərbi qulluqçuları tərəfindən Azərbaycan-Ermənistan dövlət sərhədinin Laçın sərhəd-keçid məntəqəsində saxlanılıb.

www.anews.az

Bizi sosial şəbəkələrdə izləyin !