"Bütün şəhərlərin Baş planları təsdiq edilib və bərpa-quruculuq işlərinin baş planları əsasında idman obyektlərinin yaradılması nəzərdə tutulur. Ağdamın məşhur "İmarət" stadionunun yeni layihəsi işlənilir. Stadion yenidən qurulacaq, eyni zamanda, onun yanında böyük Olimpiya İdman Kompleksi yaradılacaq”, - İlham Əliyev bildirib.
O qeyd edib ki, Eyvazxanbəyli kəndində müasir atçılıq kompleksi yaradılması işlərinə artıq start verilib.
Ağdam rayonunun Eyvazxanbəyli kəndi Maqsudlu kənd inzibati ərazi dairəsində yerləşir.
Azərbaycanın Qarabağ ərazisində yerləşən şəhərləri 1993-cü ildə Ermənistan silahlı qüvvələri tərəfindən işğal olunub və 2020-ci ilin sentyabrında aparılan 44 günlük müharibə nəticəsində azad edilib.
2023-cü ildə işğaldan azad edilmiş ərazilərin bərpası üçün, ümumilikdə, 3 milyard manat vəsait ayrılması nəzərdə tutulub. Bu da 2022-ci illə müqayisədə 330 milyon və ya 12,4 faiz faiz çoxdur.
2021-ci ildı Qarabağda yenidənqurmalar üçün 2 milyard 178 milyon manat vəsait xərclənib. 2022-ci ildə bu rəqəm 2 milyard 670 milyon manata çatdırılıb.
Lida Abbaslı
www.anews.az
Bizi sosial şəbəkələrdə izləyin !
