2024-cü ilin ilk yeddi ayında Azərbaycanda daxili tələbatın və qlobal ərzaq qiymətlərinin artması səbəbindən ət məhsullarının idxalı ötən ilin müvafiq dövrü ilə müqayisədə 26,5%, dəyər baxımından isə 46,0% artıb. Bu barədə Dövlət Gömrük Komitəsi məlumat verib.
2024-cü ilin yanvar-iyulunda Azərbaycan əlavə olaraq xalis çəkidə 6440 ton ət idxal edib ki, bu da ölkədə diri çəkidə 4200 ton olan daxili istehsalın artımını üstələyib.
İdxalın kəskin artması ilə yanaşı ətin qiyməti də artıb. İdxal edilən ətin bir kiloqramının qiyməti 2023-cü ildə 1,93 ABŞ dollar təşkil edirdisə bu il bu rəqəm 2,23 ABŞ dollar olub.
Balıq və dəniz məhsullarının idxalı da artıb. 2024-cü ilin ilk yeddi ayında balıq, xərçəngkimilər, molyusklar və digər su onurğasızlarının idxalının dəyəri ötən ilin müvafiq dövrü ilə müqayisədə 38,2% artıb.
Bu tendensiya yerli akvakulturada problemlər fonunda idxal olunan balıq məhsullarından asılılığın artdığını göstərir.
"Rəqəmlər qeyri-sabit qlobal bazar şərtləri, artan istehsal xərcləri və dəyişən istehlakçı seçimləri ilə mübarizə aparmağa davam edən Azərbaycanın qida sektorunun üzləşdiyi daha geniş problemi vurğulayır", - Turan Xəbər Agentliyi bildirib
N.Təbrizli
www.anews.az
Bizi sosial şəbəkələrdə izləyin !
