Gürcüstandan Azərbaycana 417 ton şaftalı ixrac olunub.
"Report”un yerli bürosu xəbər verir ki, bu barədə Gürcüstanın Ətraf Mühit və Kənd Təsərrüfatı Nazirliyindən bildirilib.
İyulun 14-nə olan məlumata əsasən, Gürcüstandan ixrac olunan şaftalının 7%-i Azərbaycanın payına düşüb.
Qonşu ölkə, ümumilikdə, 6 179 ton şaftalı ixrac edib ki, bu da illik müqayisədə 640 ton çoxdur.
Azərbaycanla yanaşı, gürcü şaftalısının əsas idxalçıları Rusiya (3 796 ton) və Ermənistan (1 857 ton) olub.
www.anews.az
