Azərbaycan hərbi vertolyotları göyə qaldırıb
15.08.2024 10:39
Azərbaycan Hərbi Hava Qüvvələrinin helikopter bölmələri ilə təlim uçuşları həyata keçirib. Müdafiə Nazirliyinin saytında yerləşdirilən məlumata görə, qarşıya qoyulan tapşırıqlar və təhlükəsizlik qaydaları şəxsi heyətin diqqətinə çatdırıldıqdan sonra hərbi pilotların sağlamlıq vəziyyəti yoxlanılıb.
Təlim uçuş planına uyğun olaraq helikopterlər təyin olunmuş marşrutlar üzrə vətəni aerodromlardan havaya qalxaraq uçuşlar həyata keçirib. Gecə-gündüz uçuş və eniş, hava kəşfiyyatının aparılması, eləcə də digər fəaliyyət növləri üzrə tapşırıqlar yerinə yetirilib.
"Döyüş hazırlığının və praktiki vərdişlərinin təkmilləşdirilməsi məqsədilə keçirilən təlim uçuşlarında hərbi pilotlar yüksək peşəkarlıq nümayiş etdiriblər”, - Müdafiə Nazirliyinin açıqlamasında bildirilir.
www.anews.az
Son xəbərlər 
Daha çox
Foto 
Video 
