2024-cü ilin yanvar-aprelində Yaxın Şərqdən Azərbaycana səfər edənlərin sayı ötən ilin müvafiq dövrü ilə müqayisədə 51% artım olub. Bu barədə Dövlət Turizm Agentliyi məlumat yayıb.
Bildirilib ki, mayın 7-də "ATM Dubai 2024” çərçivəsində "Connecting Travel Insight Report” adlanan hesabat "Jacobs Media” şirkəti tərəfindən hazırlanaraq təqdim olunub.
Körfəz Əməkdaşlıq Şurasına üzv olan ölkələr üzrə (BƏƏ, Bəhreyn, Səudiyyə Ərəbistanı, Qətər, Oman, Küveyt) hazırlanan hesabatda Azərbaycan səyahət istiqaməti kimi üstünlük verilən 10 ölkə arasında 38% faizlə birinci pillədə yer alıb.
Hesabatda göstəricilər cari ilin məlumatlarını əhatə etməklə uçuş tutumunun həcmlərinə uyğun olaraq orta artıma müvafiq hesablanıb. Azərbaycanla yanaşı onluqda Misir, Tailand, Böyük Britaniya, İtaliya, Fransa, Gürcüstan, İsveçrə, Türkiyə və Maldiv Respublikası kimi ölkələr sıralanıb.
www.anews.az
Bizi sosial şəbəkələrdə izləyin !
