Azərbaycan Türkiyəyə hər il sıfır idxal gömrük rüsumu ilə şərab və fermentləşdirilmiş spirtli içkilər ixrac edə biləcək. Bu barədə Türkiyə XİN məlumat verib. Azərbaycan ixracatçıları üçün belə güzəşt iki ölkə arasında 2023-cü ilin aprelində imzalanmış güzəştli ticarət sazişinin Protokolunda nəzərdə tutulub.
"Bu protokol 21 fevral 2024-cü ildə Türkiyə Böyük Millət Məclisinin Baş Məclisində təsdiq edilib. Beləliklə, Azərbaycandan Türkiyəyə hər il 1,5 milyon litr şərab və fermentləşdirilmiş alkoqollu içkilər gömrük rüsumu olmadan tədarük ediləcək”, - nəşrlər bildirir.
Ümumilikdə, 10 il müddətində qüvvədə olacaq bu müqaviləyə əsasən, Türkiyəyə şərab, tut, heyva, qara metallurgiya məhsulları və qablaşdırma materialları gömrük rüsumları olmadan tədarük edilə bilər.
"Öz növbəsində, müqavilə çərçivəsində Türkiyədən Azərbaycana aşağıdakı mallar rüsumsuz tədarük edilir: mis məftillər, paltaryuyan maşınlar, monitorlar, videoregistratorlar, avtomobil hissələri və alüminium”, - nəşr yazır.
Azərbaycan və Türkiyə 2021-ci il martın 1-dən güzəştli ticarət sazişi həyata keçirir.
Türkiyə ilə imtiyazlı ticarət sazişinə dəyişikliklərə dair protokol 2023-cü il aprelin 29-da Samsun şəhərində (Türkiyə) imzalanıb. Bu sənədlə Bakı və Ankara 2020-ci il fevralın 25-də Bakıda imzalanmış güzəştli ticarət haqqında hökumətlərarası sazişin əhatə etdiyi malların sayını genişləndiriblər.
N.Təbrizli
www.anews.az
Bizi sosial şəbəkələrdə izləyin !
