Respublikamızın nəqliyyat sistemi üçün mühüm əhəmiyyət kəsb edən Şərq-Qərb beynəlxalq nəqliyyat dəhlizinə konteyner yüklərinin cəlb olunması və dəmir yolu nəqliyyatı üzrə daşımaların rəqabət qabiliyyətinin artırılması məqsədilə “Azərbyacan Dəmir Yolları” QSC və “Gürcüstan Dəmir Yolları” MMC ilə birgə 1996-cı ildə işə salınmış, lakin sonradan fəaliyyəti dayandırılmış, Bakı-Poti konteyner qatarının hərəkətinin bərpası üzrə danışıqlara başlanılıb.“Azərbaycan Dəmir Yolları” QSC-nin Mətbuat Katibliyinin rəisi Nadir Əzməmmədovun APA-ya verdiyi məlumata görə, bu istiqamətdə artıq bir sıra tədbirlər görülüb, o cümlədən konteyner qatarının iş texnologiyası, hərəkət qrafiki, iritonnajlı konteynerlərin daşınma tarifləri razılaşdırılıb, yük göndərən və yük alanlarla görüşlər keçirilmş, yük və vaqon axınlarının təhlilləri aparılıb.Yaxın günlərdə qatarın buraxılması nəzərdə tutulur.ANN.Az