Bəzi seçki dairələrinin seçki məntəqələri üzrə tədbirlər görülüb. Bunu Mərkəzi Seçki Komissiyasının bu gün keçirilən iclasında Mərkəzi Seçki Komissiyasının sədr müavini Rözvət Qasımov deyib.
"1 saylı Şərur, 2 saylı Şərur-Kəngərli, 11 saylı Binəqədi, 22 saylı Nəsimi, 31,32,33,35 saylı Xətai və digər dairələr üzrə əlavə tədbirlər görülməsinə ehtiyac yaranıb. Bunu vacib edən əsas səbəb aparılan monitorinqlərin nəticəsidir. Məqsəd seçicilərin rahatlığını təmin etməkdir”, - o bildirib.
Onun sözlərinə görə, ölkə üzrə həyata keçirilən monitorinqlər zamanı 24 dairənin 50-dən çox məntəqəsində müəyyən müvafiq tədbirlərin görülməsinə ehtiyac yarandığı aydınlaşıb.
Bu dairələr 1, 2, 11, 22, 30, 31, 32, 33, 34, 35, 36, 67, 68, 70, 71, 86, 96, 97, 103, 113, 117, 120, 123, 124 seçki dairələridir.
Bu dairələrdə yerli və digər şəraitlər nəzərə alınmaqla seçicilər üçün maksimum şərait yaradılmasına qərar verilib.
Amma sədr müavini hansı səbəbdən və nə kimi tədbirlərin görüldüyü barədə əlavə məlumat verməyib.
Gülnar Nazimqızı
www.anews.az
Bizi sosial şəbəkələrdə izləyin !
