Səudiyyə Ərəbistanında intizam məqsədilə tətbiq olunan qırmanc cəzası ləğv edilib.
 
"HaberGlobal” bu barədə ölkənin Ədliyyə Nazirliyinə istinadən məlumat yayıb.
 
Qərara əsasən, intizam məqsədilə alternativ cəzalardan istifadə ediləcək.
 
Ədliyyə naziri Velid əs-Samani bununla bağlı məhkəmələrə əmr göndərdiyini açıqlayıb.
 
O, bütün məhkəmələrə qırmanc cəzası əvəzinə səlahiyyətli orqanlar tərəfindən təyin ediləcək həbs, cərimə və ya alternativ cəzaların verilməsi ilə bağlı çağırış edildiyini bildirib.
 
Samani qırmanc cəzasının iki növünün olduğunu, bunlardan biri hökm çıxarıldığı zaman açıq şəkildə, digərinin isə intizam və ya cinayətin qarşısını almaq məqsədilə tətbiq edildiyini vurğulayıb.
 
Onun sözlərinə görə, bəzi insan haqları təşkilatları qırmancla cəzalandırmanın insanın hüquqlarına və qüruruna zidd olduğunu qeyd edirlər.



www.anews.az