Bu gün Teymur Rəcəbovun Aronyanla son görüşü olacaq

12:35 | 03.01.2021
Bu gün "Champions Chess Tour” çərçivəsində rapid üzrə onlayn keçirilən "Airthings Masters” turnirinin final mərhələsinin həlledici matçı keçirilməklə qalib müəyyənləşəcək.

Anews.az xəbər verir ki, final mərhələsinin ikinci matçında Azərbaycan şahmatçısı Teymur Rəcəbov ermənistanlı Levon Aronyanla mübarizə aparacaq. Artıq birinci matçda şahmatçımız rəqibini 2,5:1,5 hesabla məğlub edib. Belə ki, birinci, ikinci və üçüncü partiyaları heç-heçə edən təmsilçimiz dördüncü partiyada rəqibi üzərində inamlı qələbə qazanıb.

Qeyd edək ki, noyabrın 23-də "Skilling Open" onlayn turnirdə şahmatçımız erməni rəqibini məğlub edib. Dekabrın 30-da isə məhz bu turnirin qrup mərhələsi çərçivəsində şahmatçılar arasında baş tutan qarşılaşma heç-heçə ilə bitib.

Xatırladaq ki, "Airthings Masters” turnirinin seçmə mərhələsini 6 xalla beşinci yerdə başa vuran Teymur Rəcəbov dörddəbir finalda Rusiya təmsilçisi Yan Nepomnyaşini, yarımfinalda bu ölkənin digər şahmatçısı Daniil Dubovu məğlub edib.

Bu gün başa çatacaq turnirin ümumi mükafat fondu 200 min ABŞ dollarıdır. Qalib 60 min dollar qazanacaq.

www.anews.az

Tərəfdaşların xəbərləri

REKLAM

Telegram kanalımıza abunə ol ! tg_kanal