Bu ilin yanvarınında qeydiyyata alınan pensiyaçıların sayı açıqlanıb
17.03.2023 12:55
Bu ilin yanvarınında Dövlət Sosial Müdafiə Fondunda 1114,2 min pensiyaçı qeydiyyatda alınıb, bu da ötən ilin eyni dövrü ilə müqayisədə 86,3 nəfər azdır. Bu barədə Dövlət Statistika Komitəsinin məlumatında bildirilib.
Məlumata görə, onların 62,5 faizi yaşa, 24,5 faizi əlilliyə, 13,0 faizi isə ailə başçısını itirməyə görə pensiya alır.
Aylıq pensiyaların orta məbləği ötən ilin müvafiq dövrü ilə müqayisədə 12,1 faiz artaraq 372,1 manat təşkil edib.
2023-cü ilin yanvarında 65,5 min aztəminatlı ailənin 290,8 min üzvü ünvanlı dövlət sosial yardımı alıb və onun bir nəfərə düşən orta aylıq məbləği 88,09 manat təşkil edib.
Müxtəlif kateqoriyadan olan 382,0 min şəxsə Azərbaycan Respublikası Prezidentinin təqaüdü təyin olunub.
"Əmək pensiyaları haqqında” Azərbaycan Respublikasının Qanununda edilmiş müvafiq dəyişikliyə əsasən əmək pensiyasının minimum məbləği 16,6 faiz artırılaraq 2023-cü ilin 1 fevral tarixindən 280 manat müəyyən olunub.
Aytac
www.anews.az
Foto 
Video 
