Bakıda cüdo üzrə dünya çempionatı oktyabrın 4-də başlayacaq

2026-cı il oktyabrın 4–11-də Bakıda cüdo üzrə böyüklər arasında dünya çempionatı keçiriləcək.

Azərbaycan Cüdo Federasiyasının məlumatına görə, dünyanın ən güclü cüdoçularının iştirak edəcəyi yarış Bakı Milli Gimnastika Arenasında təşkil olunacaq.

Kişilər və qadınlar arasında keçiriləcək mundial səkkiz gün davam edəcək. İdmançılar dünya çempionluğu ilə yanaşı, dünya reytinq xalları və 2028-ci il Los-Anceles Yay Olimpiya Oyunlarına vəsiqə uğrunda reytinq xalları qazanmaq üçün mübarizə aparacaqlar.

Çempionatda Azərbaycan millisinin aparıcı üzvləri – Balabəy Ağayev, Əhməd Yusifov, Ruslan Paşayev, Hidayət Heydərov, Zelim Tçkayev və Zelim Kotsoyevin, həmçinin dünyanın tanınmış cüdoçuları Teddi Riner (Fransa), Hifumi Abe və Uta Abe (Yaponiya), Yeldos Smetov (Qazaxıstan), Laşa Bekauri və Tato Qriqalaşvili (Gürcüstan), Distria Krasniqi (Kosovo), Rafaela Silva (Braziliya), Lukaş Krpalek (Çexiya) və digər titullu idmançıların iştirak edəcəyi gözlənilir.

 Bakı son illərdə cüdo üzrə beynəlxalq yarışların əsas mərkəzlərindən birinə çevrilib. Dünya çempionatı Beynəlxalq Cüdo Federasiyasının (IJF) təqvimində ən nüfuzlu turnirlərdən biri hesab olunur və 2028-ci il Los-Anceles Olimpiadasına lisenziya xarakterli reytinq yarışlarından biridir.