Ən çox və ən az vakant müəllim yerləri bu ərazilərdədir - ADLAR

Azərbaycanda ümumtəhsil müəssisələrində ən çox və ən az vakant müəllim yerlərinin olduğu rayon və şəhərlərin adları müəyyənləşib.
Anews.az xəbər verir ki, Təhsil Nazirliyindən Trend-ə verilən məlumata görə, Bakıdan (694 vakant yer) sonra ölkə üzrə ən çox vakant müəllim yeri Ağdamdadır. Bu sırada daha sonrakı yerlərdə Lerik, Yardımlı, Quba, Cəlilabad dayanır.
Hazırda Ağdamda 350, Lerikdə 331, Yardımlıda 319, Qubada 302, Cəlilabadda 277 vakant müəllim yeri var.
Azərbaycanda ən az vakant müəllim yerlərinin olduğu 5 rayon və şəhər Samux (18 yer), Göygöl (15 yer), Xocalı (11 yer), Naftalan (9 yer) , Zaqataladır (6 yer).

www.anews.az