Bakıda daha bir hamilə qadın koronavirusdan ölüb - Həkimdən XƏBƏRDARLIQ

"29 həftəlik hamilə qadın iyunun 24-ü gecə saat 01-də Kliniki xəstəxanaya qəbul olunub. Xəstə artıq gələndə ağır vəziyyətdə idi. Ona görə ki, onun koronavirus xəstəliyi 3 gün əvvəl başlayıb. Yüngül öskürək, təngnəfəslik olub, hərarəti 3 gün ərzində 38,5 dərəcə olub. Lakin hamilə qadının xəstəxanaya ilk müraciəti 3 gün sonra olub. Artıq onda boğulma simptomları əmələ gəlmişdi, təngnəfəslik, ağciyərlərin distress sindromundan xəstəxanada vəfat edib. 

İstər hamilələr olsun, istər digər vətəndaşlar, koronavirusun ilk simptomlarında həkimə müraciət etsinlər. Evdə özünüzü müalicə etməyin. Həkimə gec müraciət edəndə xəstəni ağır vəziyyətdən çıxarmaq daha çətin olur. Hər iki ağciyərin çatışmazlığı əmələ gəlir, vəziyyət daha da ağırlaşır. Evdə özünü müalicə etmək və həkimə gec müraciət etmək xəstənin vəziyyətini daha da ağırlaşdırır".

www.anews.az