İşğalçıları qovan Azərbaycan Ordusunun tankları

Anews.az ermənilərin qorxulu kabusuna çevrilmiş HAROP-dan sonra Quru Qoşunlarının əsas döyüş tankları olan T-72 və T-90-ı təqdim edir.
T-72 Aslan sovet istehsalı olan əsas döyüş tankıdır. İstehsalına ilk dəfə 1971-ci ildə başlanıb. İkinci dünya müharibəsindən sonra ən çox istehsal olunan 2-ci tankdır və istehsal sayına görə yalnız T-54/55 tanklarından geri qalır. İndiyə qədər 20 min ədəd bu tankdan istehsal edilib.
Tankın maksimum sürəti 60 km/saat (son modellərdə 75 km/saat), maksimum yürüş məsafəsi-hərəkət mənzili 460 kilometrdir.
T-90 istənilən hava şəraitində və sutkanın istənilən vaxtında hədəfi dəqiq vurmağa imkan verən elektron sistemlərlə təchiz olunub. PNK-4S müşahidə sistemi ilə gecə vaxtı tank ölçüsündə olan hədəfləri 1100 m məsafədə müəyyən edir. Tankın əsas silahı 125 millimetrlik avtomatik doldurulan 2A46M topudur. Dörd tip mərmidən atəş aça bilir. T-90 tankları eyni zamanda tank əleyhinə idarəolunan raketlərlə də atəş açmaq qabiliyyətindədir. Tank 25 km/saat sürətlə hərəkət edərkən 54 saniyə müddətində 2500 m məsafədəki 7 müxtəlif zirehli hədəfləri vura bilir.
Tankın çəkisi 46,5 - 50 ton, uzunluğu 9,53 m (lülə daxil olmaqla); 6,86 m (yalnız gövdə), eni 3,37 metr, yüksəkliyi 2,23 metr, daxili həcm: 11,04 m³ (ümumi), 1,85 m³-dir (qüllə). Tank 840 AG V-84MS dizel mühərriklə çalışır və 830 mm-lik zirehi, ştora-1 infraqırmızı və lazer şüalarını pozucu sistem, 5 dinamik zireh, 82 mm-lik 902B tüstü bombasına sahibdir. T-90 tankının əsas döyüş silahı 9M119M Refleks-M mərmisi də ata bilən 125 mm-lik yivsiz top, köməkçi müharibə silahı 7,62 mm-lik Pkt pulemyotu və 12,7 mm-lik NSVT hava müdafiə pulemyotudur.


www.anews.az