“Sosial Tədqiqatlar Mərkəzi” 2 milyona ofis tikir
27.11.2021 11:44
"Sosial Tədqiqatlar Mərkəzi” Publik Hüquqi Şəxs tərəfindən keçirilən tender müsabiqəsinin (Təkliflər sorğusu) qalibi məlum olub.
Açıqlanan rəsmi məlumatda göstərilir ki, "TVM İnşaat” MMC "Sosial Tədqiqatlar Mərkəzi”nin sifarişi əsasında bu qurumun obyektinin tikintisini həyata keçirəcək.
Məlumat üçün bildirək ki, "TVM İnşaat” MMC 25.07.2016-cı il tarixində dövlət qeydiyyatına alınıb. Nizamnamə kapitalı 10 manat olan şirkətin hüquqi ünvanı "Bakı şəhəri, Qaradağ rayonu, Müşfiqabad qəsəbəsi, ev 3D, m. 8” olaraq göstərilir. MMC-nin qanuni təmsilçisi Ağayev Musa Nizaməddin oğludur.
Onu da bildirək ki, millət vəkili Zahid Orucun rəhbərlik etdiyi "Sosial Tədqiqatlar Mərkəzi”nə inzibati bina tikdirməsi üçün 2019-cu ildə Bakı Şəhər Memarlıq və Şəhərsalma Baş İdarəsi tərəfindən icazə verilib.
"Yasamal rayonu, İsmayıl bəy Qutqaşınlı küçəsi, 18” ünvanında tikiləcək inzibati binanın 2 mərtəbəli olması nəzərdə tutulub. Binanın ümumi sahəsi isə 2091,3 kv. metr olacaq.
www.anews.az
Oxşar xəbərlər
Oxşar xəbərlər
Foto 
Video 
