65 yaşa kimi vəfat edənlərin pensiyası ailəsinə veriləcək? - VİDEO

 

"Azərbaycanda pensiya yaşının azaldılması tələbini qoyanda bizi populizmdə qınayırlar.  Heç olmasa 65 yaşına çatmamış həyatdan köçən  şəxslərin sosial siğorta fondlarına köçürmələri onların ailə üzvlərinə verilməlidir. Nəzərə almalıyıq ki, bu adamların əksəriyyəti səhiyyə sistemimizin bərbad olması səbəbindən dünyasını dəyişir. Deməli bunların yaşadıqları müddətdə etdiyi köçürmələr məntiqlə ailə üzvlərinə verilə bilər",  -  millət vəkili bildirib. 

 

O həmçinin söyləyib ki, 2023-cü ilin proqnozuna görə, Sosial Müdafiə fonduna daxilolmalar 6,26 milyard manat təşkil edəcək. Bunun da 1,7 milyard manatı  büdcə təşkilatlarında işləyənlərin siğorta  haqqlarına, 1,4 milyard manatı büdcə transferlərinə, 1,2 milyard manatı isə publik şəxslərdən köçürmələrin  payına düşür. 

 

"Bu statistikadan belə görünür ki, Sosial Müdafiə Fondu əsasən dövlət büdcəsi hesabına formalaşır.  Bir tərəfdən biz deyirik ki, özəl sektorun iqtisadiyyatda payı  75-80%-i üstələyir. Sosial sığorta fonduna olan köçürmələr isə bunun əksini sübut edir", -  millət vəkili əlavə edib. 

 

Gülnar Nazimqızı