Trampın nümayəndəsi Ukraynaya səfərə hazırlaşır

ABŞ prezidentinin Ukrayna və Rusiya üzrə xüsusi nümayəndəsi Keyt Kelloq 2025-ci il fevralın 20-də Ukraynaya səfər edəcək. Bu barədə CNN Ukrayna hökumətindəki mənbələrə istinadən məlumat yayıb.

Ukrayna prezidenti Vladimir Zelenski daha əvvəl Münhen Təhlükəsizlik Konfransı ərəfəsində prezident Donald Trampın komandasından olan “ciddi adamların” bu həftə Ukraynaya səfər edəcəyini bildirib. Konfransda Zelenskinin ABŞ-ın vitse-prezidenti J.D.Vens ilə görüşəcəyi gözlənilir və onun prezident Trampla görüşü üçün hazırlıq işləri aparılır.

Kelloq fevralın 14-dən 16-dək keçiriləcək Münhen Təhlükəsizlik Konfransında iştirak etməyi və müttəfiqlərlə Ukraynada müharibəyə son qoymağın yollarını müzakirə etməyi planlaşdırır. O, daha əvvəl demişdi ki, Tramp administrasiyasının müharibəni bitirmək və sülh danışıqlarına başlamaq üçün “ planı” var.
Prezident Tramp onun xüsusi nümayəndəsi Keyt Kelloqun yaxın vaxtlarda Ukraynaya səfər edəcəyini təsdiqləyib, lakin səfərin konkret tarixini açıqlamayıb.

Aytac