Qubadlıda yük avtomobili aşıb, sürücü xəsarət alıb

Qubadlı rayonunun Hal kəndi ərazisində "İVECO” markalı yük avtomobili idarəetməni itirərək yol kənarına aşıb, sürücü müxtəlif dərəcəli bədən xəsarətləri alıb. Bu barədə Fövqəladə Hallar Nazirliyinin (FHN) mətbuat xidmətindən məlumat verilib.


Bildirilib ki, hadisə yerinə FHN-in Dövlət Yanğından Mühafizə Xidməti Qubadlı rayon yanğından mühafizə hissəsinin yanğınsöndürən-xilasediciləri cəlb edilib. Onlar deformasiyaya uğramış nəqliyyat vasitəsində sıxılı vəziyyətdə qalan,1995-ci il təvəllüdlü Kənan Səyyad oğlu Rəhimlini çıxarıb təcili tibbi yardım briqadasına təhvil veriblər.


Faktla bağlı araşdırma aparılır.

www.anews.az