Bu il Çin Azərbaycanda elektrikli avtobuslar istehsal edəcək
06.02.2025 11:03
2025-ci ildə Çin Azərbaycanda elektrikli avtobuslar istehsal edəcək. Bunu İqtisadi Zonaların İnkişafı Agentliyinin (İZİA) İdarə Heyətinin sədri Seymur Adıgözəlov bildirib.
O bildirirb ki, Çinin BYD şirkəti artıq şirkətin istehsalı üçün lazımi infrastruktur qurub, yaxın günlərdə isə istehsal xəttinin quraşdırılması istiqamətində işlərə başlanması nəzərdə tutulur.
"Bu layihənin investisiya həcmi 29 milyon manatdan çoxdur”, Adıgözəlov fevralın 6-da jurnalistlərlə keçirilən brifinqdə deyib.
2024-cü ilin ilk yarısında Uzaq Şərq ölkəsindən Azərbaycana 6 257 ədəd minik avtomobili idxal edilib ki, bu da 2023-cü ilin eyni dövründə qeydə alınmış rəqəmi 75% üstələyir.
İdxal olunmuş avtomobillərin dəyəri isə illik müqayisədə 87% artaraq 161.6 milyon dollar təşkil edib. Belə ki, hibrid mühərriklə, xarici mənbədən elektrik yüklənməsi mümkün olan 1530 ədəd minik avtomobili gətirilib. Halbuki, bu, 2023-cü ilin ilk yarısında 120 ədəd idi.
Aytac Zeynalova
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
